2020 нче елның 30 нчы октябрендә Югары Утар акылга зәгыйфь балалар йорты - интернаты тәрбиячесе Шакирова Айсылу Җәмил кызы инициативасы белән “Геометрик фигуралар” темасына дәрес үткәрелде.

2020 елның 30 октябре, җомга

Баланың үсешендә әвәләүнең әһәмияте бәяләп бетергесез.Пластилин белән дәрес кулларның вак моторикасын үстерүгә ярдәм итә.Пластилиннан әвәләп ясау фантазия һәм хезмәт күнекмәләрен үстерә. Бала пластилиннан геометрик фигуралар ясап,формалар һәм күләмнәрен анализларга өйрәнә, күзәтә, чагыштыра, пространствода урнашуы буенча охшашлык һәм аермаларны таба.

Балалар әвәләү юлы белән геометрик фигураларны бик теләп ясадылар.Тәрбияләнүчеләргә пластилин белән эшләү бик ошады.Балаларның шат йөзләрен күреп тәрбияче үзе дә кәнагәть калды, куелган максатының купмедер дәрәҗәсенә иреште.