Югары Утар акылга зәгыйфь булган балалар йорты-интернатының “Шәфкать” бүлегендә ТАССР ның 100 еллыгына багышланган "Туган җирнең көзге матурлыгы" дигән темага рәсемнәр конкурсы.
2020 нче елның 15 октябрендә Югары Утар акылга зәгыйфь булган балалар йорты-интернатының “Шәфкатьлелек “ бүлегендә тәрбияче Тимергалиева А.Н. "Туган җирнең көзге матурлыгы" дигән темага рәсемнәр конкурсы үткәрде.
Максатлар: балаларда сәнгатькә уңай караш формалаштыру, иҗади күзаллауны үстерү, «көз» ел фасылына, әйләнә-тирә дөнья үзгәрешләренә, көзге чордагы табигатьнең матурлыгына игътибар җәлеп итү; иҗади фантазияне үстерү; туган җиргә, туган илгә карата мәхәббәт хисе тәрбияләү.
Көз - табигатьтә иң матур чорларның берсе. Конкурс башында тәрбияче балалар белән "Көз" дигән темага әңгәмә үткәрде. Көзнең үзенә генә хас үзенчәлекләре, табигатьтә көзге үзгәрешләр турында сөйләде. Балалар зур кызыксыну белән төрле-төрле, бик матур рәсемнәр ясарга керештеләр. Туган якның көзге табигатен, агачларның “алтын” яфракларын, көзге уңышны тасвирладылар. Конкурс азагында нәтиҗәләр ясалды, балалар кәнагать калдылар.