«Изгелек» инвалидларны тернәкләндерү үзәгендә «Сез Лермонтовны беләсезме?» дигән әдәби-шигъри чара
Яр Чаллы шәһәренең «Изгелек» инвалидларны тернәкләндерү үзәгендә 1нче китапханә хезмәткәре Рәмзия Фәхретдинова «Сез Лермонтовны беләсезме?» дигән темага әдәби-шигъри чара үткәрде.
Чараның максаты: рус шагыйре турында мәдәни-тарихи хәтерне саклап калу һәм музыка, рәсем сәнгате, нәфис сүз аша эстетик кабул итүне үстерү.
Социаль хезмәт алучылар, мәктәп программалары буенча танылган Михаил Юрьевич Лермонтовны-рус әдәбияты гениаль шагыйре, драматург һәм прозаик, талантлы рәссамны искә төшерделәр.
Белгеч әдәби викторина үткәрде, анда катнашучылар Михаил Лермонтовның тормышы, иҗаты турында белемнәрен тикшерделәр. Алар бөек язучының шигъри мирасы белән танышып, аның иң яхшы әсәрләреннән өзекләр укыдылар, популяр шигырьләрен сөйләделәр. Михаил Лермонтовның сәнгать эшләре белән слайд-презентация, аның шигырьләренә язган музыка, романслар белән видео тыңлаучыларга бу чор атмосферасына һәм аның күпкырлы иҗаты белән сокланырга мөмкинлек бирде. Чараны Михаил Лермонтовның туган көненә багышланган «Лермонтовның әсәрләре мәңгелек» дигән темага китап күргәзмәсе тагын да тулыландырды.
Өлкән яшьтәге социаль хезмәт алучылар, чара турында фикер алышканда, шагыйрьнең тормышыннан күп кенә кызыклы шулай ук аз билгеле фактларны белүләре турында һәм аның кыска гомерле булуына да карамастан, әсәрләренең уникаль һәм сокландыргыч булуын билгеләп үттеләр.
Чарада унике кеше катнашты.