«Күңелле туп»
«Сәламәтлек баскычы» программасы кысаларында 2020 нче елның 07 нче октябре көнне Түбән Каманың «Веста» үзәге белгече Ләйсән Суниева 5 мөмкинлекләре чикле бала өчен «Күңелле туп» дигән төркемле дәрес үткәрде. Максат: тизлек реакциясен үстерү, хәрәкәт итү гамәлләренең ярашлыгын формалаштыру, игътибарлылык һәм коммуникатив күнекмәләрне үстерү.
Төркемле дәрес мускулларны ныгыту өчен күнегүләр белән башланып китте. Балалар бер рәткә бастылар, алып баручыдан килгән тупны тоттылар һәм аны шул ук ысул белән кире кайтардылар. Башта бу өстән аска таба тупны тапшыру булса, аннары астан-өскә таба, алга таба күкрәккә таба, аннан бары тик уң кул, аннары гына сул кулга күчерү торды. Шулай итеп, катнашучылар белән туп тапшыруның төрле төрләре эшкәртелде. Дәресне дәвам итеп, катнашучылар моторикага юнәлдерелгән кеглялар белән күнегүләр ясадылар. Балалар ясалган коридор буенча узарга яки йөгерергә тиеш иделәр. Башта алар гадәти адым белән уздылар, аннары биремне катлауландырдылар: төрле хайваннар - аю, куян, краб кебек йөреп биремне үтәргә кирәк иде.
Катнашучылар вакытны күңелле һәм кызыклы итеп үткәрделәр, уңай эмоцияләр алдылар, дәрестән канәгать калдылар.