«Толерантлык-экстремизмга җавап» КЦСОН Кукмара

2020 елның 25 сентябре, җомга

«Тылсым» халыкка комплекслы социаль хезмәт күрсәтү үзәгенең гаиләгә һәм балаларга социаль ярдәм күрсәтү бүлеге белгечләре Гөлия Мифтахова һәм Әлфия Василена социаль хезмәт алучылар белән терроризмга каршы Халыкара бердәмлек көненә багышланган «Толерантлык – экстремизмга җавап» дигән чара уздырдылар. Чара барышында белгечләр балигъ булмаганнар белән толерантлык турында әңгәмәләр үткәрделәр, барлык кешеләр дә төрле, әмма алар тыныч һәм тату яшәргә, бер-берсен хөрмәт итәргә һәм яратырга тиеш икәнен аңлаттылар. Дәрес барышында балалар мәгълүматне игътибар белән тыңладылар һәм куелган сорауларга җавап бирделәр. Чара ахырында балигъ булмаган балалар бик теләп «Толерантлык агачы» ясадылар.