«Терроризм - явызлык»
2020 нче елның 21 нче августы көнне Түбән Кама «Веста» Үзәгенең социаль эш буенча белгече Ольга Луб «Велики» паркында 11 балигъ булмаган бала өчен «Терроризм - явызлык» дигән чара уздыры. Максат: толерантлык формалаштыру, милләтара ызгыш һәм түземсезлек профилактикасы, Россия территориясендә булган террорлык актларында һәлак булганнарны искә алу.
Дәрес башында балалар белән “Хәерле көн, салют!»” уены үткәрелде. Уенда катнашучылар, түгәрәккә басып, әзерләнгән карточканы эзләделәр, бер-берсен төрле телләрдә сәламләделәр. Әлеге күнегү катнашучыларга Россия территориясендә күпсанлы халыклар һәм милләтләрнең яшәвен аңларга ярдәм итте. Якын-тирәдә яшәүче барлык милләт халыкына толерант, сабыр мөнәсәбәт, хөрмәт күрсәтергә кирәк. Аннан соң балалар экстремизм һәм терроризм, вокзалларда, метрода шартлаулар, кешеләрне басып алу һ. б. турында үз белемнәре белән уртаклаштылар. Белгеч билгеләп үткәнчә, 21 август – халыкара терроризм корбаннарын искә алу көне. Катнашучылар шулай ук соңгы вакытта дөньяда нинди вакыйгалар булуын искә төшерделәр, террорчылык актлары корбаннарын бер минут тынлык белән искә алдылар. Соңыннан белгеч экстремистлыкка һәм террорга каршы юнәлештәге видеороликлар карарга тәкъдим итте һәм балаларга аларның асылын аңлатты.
Дәрес ахырында катнашучылар белән бергә үз-үзеңне тоту өчен җаваплылыкны арттырырга, таныш булмаган кешеләрнең чакыруларына бирелмәскә һәм экстремистлык характерындагы төркемнәргә кермәскә, һәрвакыт үз фикереңә ия булырга, олыларга сөйләргә янаган очракта, хокук саклау органнарына мөрәҗәгать итәргә кирәклеге турында нәтиҗә ясадылар.