Балтач муниципаль районынында "Мәктәпкә әзерләнергә булыш" акциясе узды

Балтач муниципаль районында 1 сентябрьгә аз тәэмин ителгән, мәктәп яшендәге балаларны тәрбияләүче гаиләләргә ярдәм күрсәтү күркәм традициягә әверелде. Быел да бу вакыйгага зур җаваплылык белән карадылар. Бүген, 19 август көнне, "Балтач" мәдәният һәм ял паркында портфельләр һәм канцелярия товарлары тапшыру тантанасы узды.

Чараны Балтач муниципаль районы башлыгы Рамил Рәшит улы Нотфуллин ачып җибәрде. Акциядә катнашучыларны Казаннан килгән кунаклар да сәламләде. Алар җыелучыларны истәлекле вакыйга – якынлашып килүче 1 сентябрь белән җылы котладылар, «бишле»гә генә укуларын теләделәр.

Район оешмалары җитәкчеләре аз тәэмин ителгән гаиләләрдә тәрбияләнүче балаларга портфельләр һәм канцтоварлар рәвешендә иганәчелек ярдәме күрсәттеләр. Бәйрәм шартларында 1-11 сыйныфларның 32 укучысы мәктәп кирәк-яраклары алды, тагын 6 балага  "Таттелеком"ҖЧҖ портфеле тапшырылачак. 17 беренче сыйныф укучыларына матур мәктәп портфельләре һәм мәктәп кирәк-яраклары җыелмасы тапшырылды. Барлык балалар да бик канәгать калдылар. Бу көнне балаларга бик күп котлау сүзләре яңгырады.