«Секталар»
"Мин иминлектә" курсы кысаларында Түбән Каманың «Веста» үзәге социаль эш буенча белгече Ландыш Зарипова балигъ булмаган балалар арасында «Секталар» дигән дәрес үткәрде. Максаты: балаларга тоталитар секталарга вербовкалау ысуллары турында мәгълүмат бирү, куркынычсызлык турында күзаллауны формалаштыру.
Мини-лекциядә балаларга тоталитар секталарның нәрсә икәнлеген аңлаттылар. Балалар тоталитар секталарның аерым оешма икәнлеген белделәр. Алар һәрвакытта да дини булмаска мөмкин (чөнки коммерция секталары да бар), тик, һичшиксез, ниндидер эчке идеологиягә ия булалар (аның эчендә булмаучыларга өчен яшерен). Сектада аның гади әгъзалары тулысынча лидерга буйсына. Яңа әгъзаларны алдау белән мавыктыралар: кешеләр янына урамнарда килгән вербовщиклар үз оешмаларының чын исемен беркайчан да диярлек хәбәр итмиләр (хәтта үзләрен без "православие дине"ндә дип атарга да мөмкиннәр). Ә кеше инде сектага эләккәч, яңа керүчеләргә махсус психологик алымнар кулланыла башлый. Аңа китәргә кыен була. Шуңа күрә таныш булмаган кешеләр белән аралашканда бик игътибарлы һәм кискен булырга кирәк. Аларның кыстауларына бирешмәскә. Сиңа янаган очракта, әти-әниләргә сөйләргә һәм хокук саклау органнарына мөрәҗәгать итәргә кирәк. Аннары белгеч "Куркынычсызлык илендә" дигән викторина үткәрде. Балаларга җавапның тәкъдим ителгән вариантларыннан дөрес һәм ни өчен нәкъ менә шул җавапны сайлаганнарын аңлатырга кирәк иде. Шулай итеп, балалар ишеккә хат ташучы, монтер, табиб яки хәтта милиционер шалтыратса – ишекне олылардан башка ачарга ярамый; шулай ук урамда мәктәптән юлда тоткарланырга; караңгылык башлану белән урамда уйнарга; таныш булмаган кеше белән китәргә; таныш булмаган кеше белән машинага утырырга һ. б. ярамый икәнлеген тагын бер исләренә төшерделәр.
Дәрес ахырында балалар ышаныч тудырмаучы чит кеше белән аралашмаска дигән нәтиҗә ясадылар.