Югары Утар акылга зәгыйфь булган балалар йорты-интернатында "Менә нинди ул - безнең җәй" дигән темага рәсемнәр конкурсы

2020 нче елның 28 июлендә Югары Утар акылга зәгыйфь булган балалар йорты-интернатында тәрбияче Тимергалиева А.Н. "Менә нинди ул- безнең җәй" дип исемләнгән рәсем ясау конкурсы үткәрде. Максатлар: балаларда сәнгатькә уңай караш формалаштыру, иҗади күзаллауны үстерү, җәйне рәсемдә чагылдырырга өйрәтү. Җәй- барыбыз да зарыгып көткән, искиткеч гүзәл ел фасылы. Ул-кояш, чәчәкләр, күбәләкләр, елга, күлләр, кошлар сайравы, җиләк-җимеш вакыты. Балалар өчен җәй -ул уңай энергия, мавыктыргыч, күңелле көннәр. Конкурс башында тәрбияче балалар белән "Нәрсә ул җәй" дигән темага әңгәмә үткәрде. Балалар үзләренең фикерләре, җәй турындагы тәэсирләре белән бүлештеләр. Балалар зур кызыксыну белән төрле-төрле, бик матур рәсемнәр ясадылар. Конкурс азагында нәтиҗәләр ясалды, балалар канәгать калдылар.