Чирмешәндә "Мандалатерапия» технологиясе буенча эшли башладылар
2020 елның 2 июленнән "Чирмешән муниципаль районында "Мәрхәмәтле йөрәк" халыкка социаль хезмәт күрсәтү комплекслы үзәге" дәүләт бюджет учреждениесендә өлкән яшьтәге кешеләр белән «Мандалатерапия» технологиясе эшли башлады.
Технологиянең максаты: иҗади процесс аша социаль хезмәтләрдән файдаланучыларның психо-эмоциональ халәтен үзгәртүгә ярдәм итү.
Технологиядә социаль хезмәт алучы 62 кеше катнашачак. Мандала белән эшләү шәхси һәм төркемле коррекцион дәресләр формасында оештырыла. Дәресләр әңгәмәләр, видео-презентацияләр һәм мөстәкыйль иҗади эш рәвешендә уза. Мандаланы социаль хезмәт алучылар гади бизәкләрдән башлый, ә катлаулыраклары белән тәмамлый.
Мандала белән эшләү социаль хезмәт алучыларны тискәре эмоцияләрдән котылу ысулларына өйрәтәчәк һәм стресс халәтеннән арындырыр дип көтелә.