Ретротерапия программасы буенча "Җыр яшәргә көч бирә" дигән мәдәни-ял чарасы
Яр Чаллы шәһәренең “Изгелек” инвалидларны тернәкләндерү үзәгендә социаль эш буенча белгеч Рәмзия Хәйбулова саф һавада Ретротерапия программасы буенча "Җыр яшәргә көч бирә" дигән мәдәни-ял чарасы оештырды.
Чараның максаты: үз-үзеңне күрсәтү ихтыяҗын канәгатьләндерү һәм ялны оештыру, ватанпәрвәрлек, горурлык, күпмилләтле Ватанга хөрмәт тәрбияләү һәм актив мәдәни-иҗади мохиткә җәлеп итү.
Чара саф һавада узды, хәтта социаль дистанцияне үтәгәндә дә, әйләнә-тирә табигать күренеше социаль хезмәт алучыларга үз Ватаннарына һәм туган ягына карата тирән хисләрен белдерергә мөмкинлек бирде. Чара барышында баян белән рус һәм татар телләрендә җырлар җырлап, шигырьләр тыңлап, рәхәтләнеп ял иттеләр. Катнашучылар, үз-үзеңне изоляцияләүдән соң чыккан авыр вакытта, мондый чаралар үткән тормыш мизгелләрен искә алырга, тернәкләнергә һәм якыннарына да ярдәм итәргә мөмкинлек бирүен билгеләп үттеләр.
Социаль хезмәт алучылар, алга таба да мондый очрашуларны уңай кәеф, күңел күтәренкелеген булдыру өчен күбрәк уздыруны теләп калдылар.
Чарада егерме ике кеше катнашты.