Яңа Чишмә картлар йортында Россия көненә багышланган чаралар
Россия көне - бөек һәм куәтле дәүләт көне. Бу һәр гражданин өчен әһәмиятле көн. Илебезнең бөеклеге һәм куәте дулкынлану һәм хөрмәт уята. Һәр гражданинның күңелендә үз ватанына мәхәббәт өчен урын булырга тиеш. Яңа Чишмә интернат-йортында бу бәйрәмгә багышланган чаралар узды. «Россия дәүләте символлары» тарих дәресендә социаль эш буенча белгеч Гүзәл Мостафина белән бергә Россия символлары турында сөйләделәр, аннан соң триколор, рус сувениры - матрешка, күгәрчен, ромашка, каеннар ясау буенча дәресләр үткәрделәр. Символикалы кечкенә арт-объект әзерләделәр һәм тәрәзәләрне триколор, ромашка һәм матрешкалар белән бизәделәр, шул рәвешле «Россия тәрәзәләре» акциясендә катнаштылар. Психолог Ольга Шилова белән берлектә «Миңа Россия турында сөйләргә кирәк» дигән шигырьләр сәгате үткәрделәр, анда теләгән һәркем Россия турында шигырьләр укыды .
Ә "Россия флагы астында!” дип аталган спорт программасында социаль хезмәт алучылар да, хезмәткәрләр дә катнашты. Алар адаптив спорт уеннарында ярыштылар, теннис, бадминтон уйнадылар.