“Юлдаш”та #БӨТЕНДӨНЬЯТӘМӘКЕСЕЗКӨН
Бөтендөнья тәмәкесез көн рәсми рәвештә 1988 елда Бөтендөнья сәламәтлек саклау оешмасы тарафыннан игълан ителә. Ел саен 31 майда бу көн бөтен дөньяда киң билгеләнә. Чараның максаты – кешеләргә тәмәке тартуның сәламәтлеккә нинди зур зыян салуын аңлату.
1 июнь көнне Бөтендөнья тәмәкесез көнне бәйрәм итү кысаларында, “Юлдаш” Чистай шәһәренең өлкәннәр һәм инвалидлар интернат-йортында социаль хезмәтләрдән файдаланучылар арасында тәрбияче Җамалетдинова Людмила “Тәмәкене конфеткага алыштырабыз” дигән акция уздырды. Зарарлы гадәтләре булган һәр кешегә тәмәке тартудан баш тартып, алмашка кәнфит тәкъдим ителде.
Чараның максаты: тәмәке тартуга каршы көрәш, тәмәке бәйлелегенең таралуын киметү, никотин бәйлелегенә каршы көрәш, сәламәт яшәү рәвешен пропагандалау һәм социаль хезмәтләрдән файдаланучыларга тәмәкенең организмга зарарлы йогынтысы турында хәбәр итү.