Тукай районынын картлар һәм инвалидлар интернат-йортында ярма белән эшләү буенча шәхси шөгыль уздырылды.

28.05.2020 ел, пәнҗешәнбе. Ярма белән эшләү терапиясе  өлкән яшьтәге кешеләргә бик яхшы тәэсир ясый. Ниндидер авырудан соң үз-үзенә хезмәт күрсәтү сәләтен югалткан , сөйләм теленә зыян килгән, хәрәкәтләнү мөмкинлеген югалткан кешеләр өчен бу төр терапияның файдасы бик зур.Ярма - эш өчен гадәти булмаган,  экологик  яктан чиста материал. Моннан тыш, вак моториканы үстерүгә юнәлтелгән бу төр шөгыль  кан тамырларының һәм кул чугының мускулларының кан әйләнешен яхшыртырга мөмкинлек бирә. Ә бу исә көндәлек яшәештә өлкән яшьтәге гражданнарыбыз  өчен аеруча актуаль. Шулай итеп, бармакларның көйле һәм оста хәрәкәте бозылган сөйләмне , хәтерне яхшыртырга ярдәм итә һәм бөтен организмга уңай йогынты ясый.

Бүген без картлар һәм инвалидлар интернат-йортында социаль хезмәт алучылар белән  (саф һавада 2-3 кеше җыелып) ярма чүпләү  буенча  шәхси шөгыль үткәрдек.