Тукай районында "Ярдәм янәшә" акциясенә старт бирелде

Татарстан Республикасы Президенты Рөстәм Миңнеханов бүген Тукай районында «Ярдәм янәшә» дигән республика акциясенә старт бирде. Аның кысаларында коронавирус инфекциясе аркасында авыр хәлдә калган 627 гаиләгә азык-төлек белән ярдәм күрсәтелә. Шундый ук 100 җыелманы Тукай районы хакимияте дә әзерләде. Волонтерлар тарату эшен башладылар. Ярдәм алучылар Республика һәм район җитәкчелегенә зур рәхмәтләрен белдерә.