Сугышның хатын-кыз йөзе түгел
Рамазанова Клара Фәйзи кызы 1932 елның 5 гыйнварында ТАССРның Балтач районы Балтач авылында туа. Әтисе Рамазанов Фәйзи Рамазан улы сугышка кадәр РОНО мөдире була, фронтта һәлак була, әнисе Рамазанова Мәгъмүрә Гафар кызы - укытучы.
Клара Фәйзиевна биш бала арасында иң өлкәне. 10 сыйныфны тәмамлый, аннары Казан дәүләт университетына география факультетына укырга керә. Аны тәмамлаганнан соң, 1954 елдан Ульяновск шәһәрендә география фәнен укыта.
5 елдан соң Клара Фәйзиевна Балтачка кайта һәм аны РОНО инспекторы итеп билгелиләр.
1961-1962 елларда Балтач районы Башкарма комитетында рәис урынбасары, 1962-1980 елларда РОНО инспекторы булып эшли.
Ә 1980-1987 елларда Балтач мәктәбендә тәрбияче булып эшли, шуннан лаеклы ялга чыга.
Клара Рамазанова ялгыз яши, 2018 елның февраленнән өйгә барып социаль хезмәт күрсәтү бүлекчәсендә карамакта тора.