«Җиңүгә җыр белән». Буа өлкәннәр һәм инвалидлар өчен интернат-йорты
Бүген Буа өлкәннәр һәм инвалидлар өчен интернат-йортында аз хәрәкәтләнүче социаль хезмәт алучылар белән ТАССР төзелүнең 100 еллыгына һәм Бөек Ватан сугышында җиңүнең 75 еллыгына багышланган хәрби җырларны өйрәнү буенча чара узган.
Үз ватаныңа мәхәббәт, үз илең өчен горурлык, үз халкыңа хөрмәт... Кайчагында бу төшенчәләрне кешегә ничек җиткерергә?
Музыкаль сәнгать кешене патриотик рухта тәрбияләүнең мөһим һәм нәтиҗәле чарасы булып тора. Сугыш еллары җырлары һәрберебезнең җаныбызга кагылырга мөмкинлек бирә. Аларны кабул иткәндә һәм башкарганда, кичергән якты хис-кичерешләр озакка истә калачак. Һәм бүген, культорганизатор Вероника Николаева аз хәрәкәтләнүче социаль хезмәт алучылар белән хәрби җырлар өйрәнүгә багышланган чара үткәрде. «Катюша», «Кара төн», «Солдатның ял көне», «Өч танкист» кебек танылган җырлар яңгырады. Сугыш еллары җырларын кабул иткәндә, социаль хезмәт алучылар музыка характерын билгеләделәр, эчтәлеге буенча әңгәмә кордылар, әсәрләрнең эмоциональ тулылыгын белдерделәр.
Чараның максаты - Ватанга мәхәббәт, Бөек Ватан сугышы җырларын кабул итү аша үз халкының батырлыгына хөрмәт тәрбияләү.