06.03.2020 ел, җомга. Һәр ел, яз башында, табигать уянганда, без - 8 Март-Халыкара хатын-кызлар көнен билгеләп үтәбез. Бу могҗизалы көндә, без сөекле хатын-кызларны котлыйбыз, аларга күңелләрендә һәрвакыт яз булсын дип телибез! Бүген интернат-йортында социаль хезмәт алучылар белән «Матурлык һәм шатлык бәйрәме» дип аталган музыкаль – күңел ачу программасы үткәрелде. Безнең гүзәл хатын-кызларыбыз хөрмәтенә җырлар, биюләр башкарылды, шигырьләр укылды, матур котлаулар яңгырады. Бәйрәм барысына да бик ошады.