«Медиа мэйнстримында». Түбән Каманың «Веста» үзәге
Түбән Каманың «Веста» үзәге социаль эш буенча белгече Рәмзилә Хафизова 13 нче санлы социаль участокта 12 балигъ булмаган бала өчен «Мәгълүмати навигатор» программасы кысаларында «Медиа мэйнстримында» дигән төркемле дәрес үткәрде. Максат: медиа җибәргән хәбәрләргә аңлы һәм җаваплы караш формалаштыру, медиапродукциянең типик темаларын өйрәнү, җәмгыять өчен һәм шәхсән һәр катнашучы өчен мөһим булган темаларны анализлау.
Дәрес башында балалар хәзерге дөньяда мәгълүматның роле, "медиа" төшенчәләре турында мәгълүмәт алдылар. Аннары белгеч балаларга 3-4 кешелек төркемнәргә бүленергә тәкъдим итте. Һәр төркем түбәндәге сорауларга җавап бирергә тиеш булды: нинди темага алар үзләрен аеруча ышанычлы хис итә? Заманча медиага нинди темалар, яңалыклар җитми? Массакүләм мәгълүмат чаралары кайбер темаларын ниндидер сәбәп аркасында яктыртмыйлар? Алга таба һәр командага коллаж (стенгазета) булдырырга кирәк иде, ул бер генә теманы яктыртырга һәм команда мәнфәгатьләренә туры килгән яңалыкларны үз эченә алырга тиеш иде. Иске газета һәм журналлардан хәрефләр, сүзләр һәм атамалар кисәргә кирәк булды, алар сайланган темага туры килергә, һәм алар өчен рәсемнәр һәм фоторәсемнәр сайларга кирәк иде. Катнашучылар сайлап алынган материалны ватманга ябыштырдылар, рәсемнәр белән бизәделәр. Балалар «Минем район» һәм «минем шәһәр» темаларына газета-коллажлар ясадылар.
Соңыннан балаларга өй биреме итеп "Минем урамнан репортаж" дигән эссе язарга кушылды.