«Ягез әле, малайлар». Түбән Каманың «Веста» үзәге
Түбән Каманың «Веста» үзәге социаль эш буенча белгече Рәмзилә Хафизова 2020 нче елның 26 нчы 13 нче санлы социаль участогында 20 балигъ булмаган бала өчен «Ягез әле, малайлар» дигән чара уздырды. Максаты: балаларда патриотизм хисе тәрбияләү, бәйрәм тарихы белән таныштыру һәм булачак Ватанны саклаучыларны котлау; коллективта микроклиматны яхшырту өчен шартлар тудыру; аралашу культурасын тәрбияләү.
Чара башында белгеч балаларны Ватанны саклаучылар көне тарихы белән таныштырды, гаскәрләрнең аталуы һәм хәрби техника төрләре турында сөйләде. Аннары балаларга төрле конкурсларда катнашырга тәкъдим итте. Шулай итеп балалар табышмаклар һәм ребуслар чиштеләр, шигырьләр сөйләделәр, сугыш җырлары җырладылар, сорауларга җавап бирделәр, кыюлык һәм батырлык турында мәкальләрне искә төшерделәр. Малайларга бигрәк тә «Төз атучы» (теннис тубы белән кәрҗингә эләгү) һәм «күңелле танкист» (күзләрен бәйләп танк ясау) конкурслары ошады.
Чара барышында барлык катнашучылар да зур активлык күрсәттеләр, бер-берсенә яхшы кәеф, аралашу шатлыгы бүләк иттеләр. Балалар җиңү яулау өчен максатчан, оешкан һәм җыелган булырга кирәклеген аңладылар. Чара белгеч сүзләре белән тәмамланды: «Бүген без булачак сакчыларыбызны бәйрәм белән котладык. Ватаныбызны саклаучылар да, тыныч йокыбызны саклаучылар да котлауларга лаек. Кешене туган җиреннән, туган ягыннан башка күз алдына китереп булмый. Барлык катнашучыларга да зур булмаган бүләкләр тапшырылды.