“Без, егетләр!” квест-уенын. “Без, егетләр!” квест-уенын
РФдә Хәтер һәм Дан елына һәм Ватанны саклаучылар көненә багышланган “Без, егетләр!” квест-уенын 12 нче санлы социаль участогында Түбән Каманың “Веста” үзәге социаль педагогы Елена Макарова социаль хезмәт күрсәтүдә торучы 15 яшүсмер өчен үткәрде.
Квест-уен малайлар өчен котлау сүзләре һәм армиядә хезмәт итү турында сөйләүдән башланды. Аннан соң педагог балаларга Ватанны саклаучыларның көндәлек тормышына чумарга һәм бераз гына үзләрен чын солдат итеп тоярга тәкъдим итте. Командаларга бүленеп, биремнәр алгач, балалар уенны башладылар. «Физик әзерлек» һәм «Армрестлинг» станцияләрендә балалар иң көчлеләрен билгеләделәр, «Җирдә ориентлашу» иң актив һәм аңлы кешеләрне табарга ярдәм итте. Иң эрудицияле малайларны ачыклау өчен «Уйлап бел» станциясендә яхшы уйларга туры килде, чөнки сораулар гади түгел иде, әмма монда да егетләр һәм кызлар җиңеп чыкты. “Сак булыгыз, мина!” станциясендә катнашучыларга саперлар булырга һәм минлы кыр аша үтәргә кирәк иде. Билгеле булганча, сапер бер генә тапкыр ялгыша, шуңа күрә әлеге биремдә уңышсызлыклар да булды, тик кырны узды! Иң күңеллесе-ял. Соңгы «Привал» станциясендә балалар сугыш җырларын искә төшерделәр һәм «Без – халык армиясе! видеролигын карадылар.
Квест-уен тәмамланды, катнашучылар үзләренең Ватанның лаеклы яклаучылары булырга мөмкинлекләрен күрсәттеләр. Ә иң мөһиме-барысы да уңай эмоцияләр һәм күтәренке кәеф белән таралыштылар. Җиңүчеләргә һәм җиңелүчеләргә карамастан, барысы да бүләкләр алды. Бәйрәм бик күңелле үтте!