Питрәч муниципаль районында Янгын куркынычсызлыгы буенча рейдлар
Питрәч муниципаль районында дүрт һәм аннан да күбрәк бала тәрбияләүче күп балалы гаиләләр, мөмкинлекләре чикле балалар тәрбияләүче гаиләләр, социаль хезмәт күрсәтүдә булган гаиләләр, социаль куркыныч хәлдә булган балигъ булмаган балалар тәрбияләүче гаиләләргә автоном янгын хәбәрчеләре урнаштыру буенча эш оештырылган.
Гражданнарның тормышын һәм сәламәтлеген саклауга юнәлдерелгән профилактик чаралар системасында өстенлекле юнәлешләрнең берсе-халыкның социаль якланучы төркемнәренең яшәү урыннарын янгынга каршы саклауны тәэмин итү.
«Кайгырту» халыкка комплекслы социаль хезмәт күрсәтү үзәге гаиләгә һәм балаларга социаль ярдәм күрсәтү бүлекчәсе белгечләре, Питрәч районы буенча ОНД һәм ПР инспекторлары белән берлектә, Балачакның 10 еллыгы чаралары планы кысаларында янгын куркынычсызлыгы таләпләрен үтәү буенча аңлату әңгәмәләре үткәрәләр, белешмәлекләр тапшыралар, ата-аналарга ут белән уенның куркынычлыгы турында балалар белән әңгәмәләр үткәрү кирәклеге турында искә төшерәләр.
Мондый рейдларны ел дәвамында даими үткәрү планлаштырыла, бу районның социаль яктан якланмаган халкының янгын куркынычсызлыгы дәрәҗәсен тәэмин итәргә һәм янгын чыгу куркынычын сизелерлек киметергә мөмкинлек бирәчәк.