Менделеевск муниципаль районында "Кама таңнары" приютында Балалар Думасы кунакта.
Балалар Думасы - һәр мәктәптән сайланган вәкилләрне (депутатлар) үз эченә алган район балалар иҗтимагый берләшмәсе. Алар социаль проблемаларны хәл итүгә юнәлдерелгән берничә юнәлеш буенча үз эшчәнлеген тормышка ашыралар. Шуларның берсе-иреклелек.
Балалар Думасы вәкилләре яшь педагог Иван Александрович Лукьянов җитәкчелегендә «Кама таңнары»балалар һәм яшүсмерләр өчен социаль приютында булдылар.
Алар безнең тәрбияләнүчеләргә аларның нәрсә белән шөгыльләнүләре, нинди юнәлешләр буенча эшләүләре һәм нинди бурычлар хәл ителүе турында сөйләделәр. Шулай ук безнең балалар Балалар Думасы эшчәнлегенә кагылышлы үзләрен кызыксындырган сорауларга җаваплар алдылар.
Очрашу кызыклы һәм файдалы үтсен өчен, Дума вәкилләре очрашу программасын әзерләделәр, аңа гитара астында уеннар, җырлар кертелгән.
Безнең балалар уен программасына кушылдылар һәм бик теләп гитара астында җырладылар.
Соңыннан балалар думасы активистлары балаларга уенчыклар бүләк иттеләр һәм аларга тагын бер кат килергә вәгъдә бирделәр.