«Минем һөнәрем-минем киләчәк» ГАУСО "КЦСОН "Тылсым"

2020 елның 20 феврале, пәнҗешәмбе

2020 нче елның егерменче февралендә «Тылсым» халыкка комплекслы социаль хезмәт күрсәтү үзәгенең гаиләгә һәм балаларга социаль ярдәм бүлекчәсе социаль педагогы Гөлия Мифтахова үзәк район китапханәсе хезмәткәрләре белән берлектә Россия студентлары көненә багышланган «Минем һөнәрем-минем киләчәк» дип исемләнгән чара оештырдылар. Әлеге чараның максаты-балигъ булмаганнарга һөнәри үзбилгеләнештә ярдәм итү, эшче һөнәрләрне популярлаштыру иде. Чара барышында балаларга һөнәрләр турында китаплар, газета-журналлардан мәкаләләр, шулай ук булачак һөнәрләрен сайлаган укучыларга ярдәм күрсәтүгә юнәлдерелгән уку әсбаплары тәкъдим ителде. Шулай ук балалар яңа һөнәрләр турында белделәр, хезмәт турында мәкальләр һәм әйтемнәр искә төшерделәр, үз әти-әниләренең һөнәрләре турында сөйләделәр. Һөнәрне дөрес сайлау-тормышта уңыш нигезе.