“Тоткын психологиясе”. Түбән Каманың "Веста" үзәге
Терроризм аның барлык формаларында һәм күренешләрендә, үзенең масштабы һәм интенсивлыгы буенча, үзенең кешелексезлеге һәм кансызлыгы буенча хәзерге вакытта глобаль әһәмияттәге иң кискен һәм көнүзәк проблемаларның берсенә әверелде. Терроризм низагка бернинди катнашы булмаган гаепсез кешеләрнең корбаны була ала торган җинаятьчел көчләү төрләренә карый.
Терроризм һәм экстремизмны профилактикалау эше кысаларында Түбән Каманың "Веста" үзәге социаль эш буенча белгече Марина Вахрушева 18 нче санлы социаль участогында "Мин куркынычсызлыкта" дигән программа буенча дәрес үткәрде. Дәреснең максаты: үз-үзеңне тоту, үзаңны үстерү, үз-үзеңне җайга салу һәм эш-гамәлләрне планлаштыруга сәләтеңне арттыру.
Дәрес белгечнең тоткынлыкта калган вакытта, нишләргә кирәк икәнлеге турында сөйләвеннән башланды. Бер генә кеше дә берәр вакыт аны тоткынлыкка алырлар дип фаразлый алмый. Кызганычка каршы, моннан беркем дә иминиятләштерелмәгән. Нәкъ менә шуңа күрә мондый хәлдә нәрсә эшләргә һәм үзеңне ничек тотарга кирәклеген белү бик мөһим. Бөтен кешегә дә искәрмәләрсез кагыла торган төп кагыйдә бар, ул да булса тынычлыкны сакларга кирәк. Бары тик ярдәм көтеп, үз тормышыңны һәм якыннарыңны саклап калырга тырышырга гына кирәк.
Аннан соң балалар “Тоткын психологиясе” фильмын карадылар, аннан соң күргәннәр турында үз фикерләре белән уртаклаштылар.
Дәрес ахырында балалар, һәрвакыт уяу булырга, тоткынның үз-үзен тотышы кагыйдәләрен белергә һәм аларны үтәргә кирәк, дигән нәтиҗә ясадылар.