«Будапешт өчен сугыш». Түбән Каманың «Веста» Үзәге
Бөек Ватан сугышында җиңүнең 75 еллыгына һәм Россия хәрби тарихының истәлекле даталарына багышланган Хәтер һәм Дан елы кысаларында Түбән Каманың «Веста» Үзәге социаль эш буенча белгече Татьяна Никифорова 15 балигъ булмаган бала арасында «Будапешт өчен сугыш» дигән дәрес үткәрде.
Дәрес белгечнең 1945 елның 13 февралендә совет гаскәрләре Венгрия башкаласы Будапештны ничек азат итүләре турында сөйләвеннән башланып китте. Будапешт басып алу операциясе – ул совет гаскәрләренең Бөек Ватан сугышы барышындагы стратегик операциясе, ул 1944 елның 29 октябреннән 1945 елның 13 февраленә кадәр 2 нче һәм 3 нче Украина фронтлары көче белән үткәрелгән. Максаты булып Будапештны сугыштан азат итү һәм 108 көн дәвам иткән сугышны Венгриядән чыгару тора. Немецлар белән оккупацияләнгән Венгрия башкаласын азат иткән канкойгыч сугыш вакытында Кызыл Армиянең 80 меңнән артык солдат һәм офицерлары һәлак була. Дәрес барышында балалар "Будапешт өчен сугыш" ролигын карадылар.
Йомгаклау даирәсендә нәтиҗә ясалды: үз илеңнең тарихын белергә, үз геройларың белән горурланырга, җирдә тыныч тормыш өчен һәлак булганнарны истә тотарга кирәк.