«Астра» тернәкләндерү үзәгендә “Янгын сүндерүче булмасаң да, янгын куркынычсызлыгы кагыйдәләрен белергә тиеш” дигән темага дәрес узды

2020 елның 7 феврале, җомга

2020 елның  7 февралендә  “Алабуга муниципаль районындагы мөмкинлекләре чикләнгән балалар һәм яшүсмерләр өчен “Астра” тернәкләндерү үзәгендә  балалар белән  “Янгын сүндерүче булмасаң да, янгын куркынычсызлыгы кагыйдәләрен белергә тиеш” дигән темага дәрес узды.

Дәреснең максаты – балаларның янгын куркынычсызлыгы кагыйдәләре турында белемнәрен ныгыту иде.

Чара уен - викторина формасында узды. Башта балалар утның кеше өчен әһәмияте турында фикер алыштылар, дусмы ул, яки дошманмы. Аннан соң 2 командага бүленеп, сорауларга җавап бирделәр һәм янгын куркынычсызлыгы кагыйдәләре буенча табышмаклар чиштеләр.

Чара ахырында балалар янгын куркынычсызлыгы кагыйдәләре буенча мультфильмнар карадылар. Әлеге чарада 26 кеше катнашты.