Бөек Җиңү геройлары
Бөек Җиңүнең 75 еллыгын бәйрәм итү кысаларында Яр Чаллы шәһәренең «Солнышко» мөмкинлекләре чикле балалар һәм яшүсмерләр өчен тернәкләндерү үзәге балаларын шушы куркыныч сугыш геройлары һәм вакыйгалары белән таныштыруны дәвам итәбез.
2020 елның 31 гыйнварында совет очучысы, Бөек Ватан сугышында катнашкан Валентина Степановна Гризодубовага 100 яшь тула. Бу көнне тәрбияче Гарипова Р.Ш. балаларга Советлар Союзы Герое, Социалистик Хезмәт Герое исеменә лаек булган беренче хатын-кыз турында сөйләде. Балалар зур кызыксыну белән аның тормышы һәм дошман объектларын бомбардировкалауга, сугыш кирәк-яракларын, хәрби йөкләрне алдынгы фронтка җиткерү, Бөек Ватан сугышы вакытында партизан отрядлары белән элемтә урнаштыру өчен ясаган сугышчан очулары турында видеофильм карадылар.
Үзәктә әхлакый-патриотик хисләрне ныгытуга, илебезнең данлы үткәненә хөрмәт һәм Бөек Ватан сугышы елларында Ватанны саклаган кешеләр өчен горурлык хисләре тәрбияләүгә юнәлтелгән чаралар уза.