«Теләкләр чынга аша». Түбән Каманың «Веста» үзәге
Иске Яңа елны бәйрәм итү кысаларында Түбән Каманың «Веста» үзәге белгечләре 11 нче һәм 12 нче социаль участокларда инвалид балалары булган гаиләләр өчен «Теләкләр чынга аша» дигән акция уздырдылар.
Кыш бабай белән Кар кызы балалар янына кунакка килде. Алар мөмкинлекләре чикләнгән балаларны һәм аларның бертуганнарын Яңа ел бәйрәмнәре белән котладылар. Һәр баланы зур булмаган бәйрәм программасы һәм татлы бүләк көтә иде. Шулай ук өч гаиләгә чаналар тапшырылды.
Белгечләр ярдәмгә һәм игътибарга мохтаҗ кешеләргә адресланган мондый чаралар бик мөһим дип әйтәләр. Чөнки мөмкинлекләре чикле балалар барысы белән бергә чыршы бәйрәменә бара, кар көртләрендә уйный, таудан шуа алмыйлар. Әмма һәр бала бәйрәмгә лаек. Акцияне оештыручылар балаларга гына түгел, аларның әти-әниләренә дә бераз әкият һәм яхшы кәеф бүләк иттеләр.