«Табигатьне яшь саклаучылары булыйк» дигән дәрес.
12 гыйнварда 2020 елны «Кайгырту» приюты тәрбиячесе Дәүләтшина Н.И. мәктәпкәчә яшьтәге балалар белән «Табигатьне яшь саклаучылары булыйк»дигән дәрес үткәрде. Дәреснең максаты: табигатьне бозуда һәм саклауда кешенең ролен аңлау өчен шартлар тудыру, анда үз-үзеңне тоту кагыйдәләрен үзләштерү. Табигатькә сакчыл караш тәрбияләү. Үз сәламәтлегеңә аңлы караш формалаштыруга ярдәм итү.
Балалар тәрбияче белән берлектә уен формасында урманнардагы һәм елга ярларындагы чүп-чар проблемасын тикшерделәр, әйләнә-тирә мохит пычрану сәбәпле хайваннар һәм кошларның үлүен ачыкладылар.
Малайлар һәм кызлар бик теләп хайваннар турында табышмаклар чиштеләр, шулай ук табигатьтә үз-үзеңне тоту кагыйдәләре турында белемнәрен ныгыттылар.
“Планетага ярдәм итәр өчен табигатьне яратырга һәм якларга кирәк"- дигән балалар фикерләре белән дәрес йомгакланды.