Кече Лызи мәдәният йортында инвалид балалар һәм кармакка алынган балалар өчен Яңа ел маскарады оештырылды
2019 елның 27 декабрендә Кече Лызи мәдәният йортында инвалид балалар һәм кармакка алынган балалар өчен Яңа ел маскарады оештырылды.
Әлеге чарага 225 бала чакырылган иде. Анда 154 бала һәм аларның әти-әниләре катнашты.
Фойеда “Яңа ел Кар бабае” күргәзмәсе оештырылган иде. Бәйрәмне Карадуган гимназиясе укучылары башланды. Ә Кыш бабай белән Кар кызы барысын да тылсымлы әкияткә чакырды.
Балтач муниципаль районының социаль яклау бүлеге җитәкчесе Алсу Гатиятуллина һәм район инвалидлар җәмгыяте рәисе Рамазан Фәрзиев «Яңа ел Кар бабае» конкурсына йомгак ясадылар, аларга грамоталар һәм истәлекле бүләкләр тапшырдылар.
Аниматорлар - «Наз» халыкка социаль хезмәт күрсәтү үзәгенең гаилә һәм балаларга социаль ярдәм күрсәтү бүлеге белгечләре һәм «Волонтер» үзәге активистлары барлык балаларны да уеннарга җәлеп итеп, аларга үзләренең талантларын ачарга, җәмгыятькә җайлашырга ярдәм иттеләр. Хәрәкәтләре чикле балалар өчен махсус уеннар эшләнде. Барлык катнашучылар да Кыш Бабай һәм Кар кызыннан тәм-томнар һәм бүләкләр алдылар. Өйгә китәр алдыннан һәр бала азык-төлек пакеты алды.
Балтач район башкарма комитеты җитәкчесе урынбасары Илһам Гайнетдинов барлык ата-аналарга сабырлыклары өчен рәхмәт белдерде, аларга зур сәламәтлек, бетмәс-төкәнмәс энергия теләде.
Район кулланучылар җәмгыяте, «Наз» халыкка социаль хезмәт күрсәтү үзәге, Кече Лызи мәдәният йорты, Карадуган гимназиясе хезмәткәрләре белән берлектә оештырылган һәм үткәрелгән бәйрәм бер сулышта узды һәм балаларга да, аларның әти-әниләренә дә ошады. Чарага бүләкләр җирле бюджеттан бирелде.