«Нәкъ менә яңа елга »
Яңа ел алдыннан Баулы өлкәннәр һәм зәгыйфләр интернат йортында яшәүчеләр өчен бәйрәм чыршысы янында Яңа ел тамашасы «Нәкъ менә яңа елга » узды.
Максат: танып-белү кызыксынуы, аралашучанлыгын үстерү.
Бурыч: уңай эмоцияләр һәм эстетик хисләр күрсәтү өчен шартлар тудыру.
Яңа ел-балалар өчен генә түгел, өлкәннәр өчен дә бәйрәм, чөнки һәр өлкән кеше, теләкләрен фаразлап, могҗизаларга һәм үзгәрешләргә ышана, Яңа Ел теләкләрен тормышка ашыруга ышана!
Бәйрәм Яңа ел музыкаль котлаулары белән һәм иң изге теләкләр белән, сәламәтлек, иминлек, уңышлар һәм яхшы кәеф теләп башланды. Социаль хезмәт алучыларны якынлашып килүче Яңа ел белән Крым-Сарай авыл җирлеге башлыгы Шакирҗанов Д. А., интернат-йорт директоры Калимуллина Т. В., Баулы шәһәренең 5нче мәктәбе укучылары: «Благодарение» хәйрия фонды ярдәме белән волонтерлар отряды һәм Яшь армиячеләр отряды котлады. Кунаклар биредә яшәүчеләргә Яңа ел бүләкләре тапшырдылар.
Крым Сарай төп гомуми белем бирү мәктәбе укучылары белән берлектә интернат-йорт белгечләре үткәргән тамаша онытылмаслык һәм күңелле узды. Социаль хезмәтләр алучылар әкият геройлары белән рәхәтләнеп күңел ачтылар, уеннарда катнаштылар, җырладылар, биеделәр һәм әйлән-бәйлән йөрделәр.
Тамаша өчен рәхмәт әйтеп, барысы да куанып калдылар.