«Минем гаиләм - иң мөһиме». "Здравушка" тернәкләндерү үзәгендә гаилә конкурсы
Казанның «Здравушка» тернәкләндерү үзәгендә «Минем гаиләм - иң мөһиме» конкурсы финалистлары чыгышы булып узды. Бу конкурс республика проекты кысаларында тормышка ашырылды.
Конкурста инвалид балалар тәрбияләүче 10 гаилә катнашты. Һәр катнашучы гаилә традицияләрен һәм мавыгуларын күрсәтте. Кульковлар гаиләсе спорт белән шөгыльләнергә ярата һәм атларда йөрергә ярата, Емековлар иҗат гаиләсендә шигырьләр язалар һәм гаилә кичке ашлары әзерлиләр. Степановлар гаиләсе кул эшләре белән шөгыльләнә. Әти-әниләр балаларының уңышлары белән горурлана. Мухамедовлар гаиләсендә Әминә үсә. Уңышлар күп аның. Ул «Яңа дулкын» конкурсы лауреаты. Аның абыйсы Айбулатның киберспортта уңышлары бар.
Конкурс эшләрен компетентлы жюри әгъзалары бәяләде:
Изольда Павловна Жуйкова - «Гаилә канаты астында» Республика иҗтимагый оешмасы рәисе; «Ныклы гаилә» федераль партия проектының Иҗтимагый советы рәисе.
Татьяна Михайловна Ларионова - «хатын-кызлар инициативасы» Татарстан региональ оешмасы идарәсе рәисе.
Татьяна Михайловна Муллаянова - «Здравушка» тернәкләндерү үзәге директоры.
Конкурста катнашучыларның барысына да дипломнар һәм истәлекле бүләкләр тапшырылды.