"Яңа Ел кәефе" - Буа өлкәннәр һәм инвалидлар өчен интернат-йортында социаль хезмәтләр алучылар тарафыннан ясалган эшләнмәләрдән күргәзмә-сату

2019 елның 23 декабре, дүшәмбе

21 нче декабрь көнне Буа өлкәннәр һәм инвалидлар өчен интернат-йорты хезмәткәрләре социаль хезмәтләр алучылар тарафыннан эшләнгән эшләнмәләрдән күргәзмә-сату оештырды. Бу ял көннәрендә Буа шәһәренең Мәдәни үсеш үзәгендә Резедә Хөсәенованың иҗат кичәсендә күргәзмә-сату оештырылды.

Сатып алучыларга топиарийлар, декоратив вазалар, сәйләннән бизәнү әйберләре, Яңа ел уенчыклары һәм декор тәкъдим ителде.  Кунаклар рәхәтләнеп карадылар, фотога төштеләр һәм истәлеккә әйберләр алдылар. Кергән акчаларга интернат-йортның бишенче катындагы холл өчен чыршы, һәм  яңа эшләнмәләр ясау өчен төсле җепләр, фетр, төймәләр һәм бисер сатып алынды.