Арча РЦДПОВ “Өмет чаткысы” "Куыклар дөньясы" театральләштерелгән тамашасы
Арчаның "Исток надежды" мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр өчен Әтнә дәүләт драма театры. Г.Тукай "Куыклар дөньясы"дип исемләнгән театральләштерелгән тамаша күрсәтте. Сабын куыклары белән тамаша балаларга искиткеч тәэсир калдырды. Кечкенә, зур, тәлгәш һәм ялгыз бу тылсымлы куыклар салават күперенең барлык төсләренә күмелде һәм балаларны гына түгел, өлкәннәрне дә сокландырды. Тамашаның иң күңелле мизгелләрнең берсе Кыш Бабай, Кар Кызы һәм 2020 ел символы булган тычканның сәхнәгә чыгыу булгандыр. Спектакль ахырында тамаша геройлары балаларны татлы ризыклар белән сыйладылар һәм истәлекле фоторәсемнәр ясадылар. Үзәк белгечләре сүзләренә караганда, әлеге чаралар баланың җәмгыятьтә адаптацияләнүенә ярдәм итә, аларны аралашу культурасына җәлеп итә, балаларның уңай эмоциональ торышын тудыра.