Бәйрәм бик матур һәм истә калырлык булды

2019 елның 10 декабре, сишәмбе

Югары Осланның өлкәннәр һәм инвалидлар өчен интернат-йортында Инвалидлар декадасы зур концерт белән тәмамланды. Үзенең зур концерт программасы белән яшь артистлар интернатка яхшы кәеф, елмаю һәм шатлык хисләре бүләк иттеләр. - Җитәкчебез Гүзәл Вәлиева һәм элек «Браво» студиясе составына кергән яшь талантлар безнең интернат-йортыбыз белән 10 елдан артык хезмәттәшлек итә. Ә бүген исә рәхмәтле тамашачылар алдында вокал осталыгы мәктәбенең яңартылган төркеме тәкъдим итте, - ди интернат директоры Тәнзилә Васильева. - Дәртле биюләр, яшь талантлар башкаруындагы шигырьләр һәркемнең күңеленә хуш килде. Бәйрәм, һәрвакыттагыча, бик матур, истә калырлык булды һәм һәркемдә озакка тәэсир калдырды.