"Балаларга елмаю бүләк ит"

2019 елның 9 декабре, дүшәмбе

Яшел Үзән халыкка комплекслы социаль ярдәм күрсәтү“Рәхәт” үзәгенең гаиләгә һәм балаларга социаль ярдәм күрсәтү бүлегендә "Балаларга елмаю бүләк ит"проектын тормышка ашыру дәвам итә. Әлеге проектның максатчан аудиториясе булып үз-үзеңә хезмәт күрсәтү һәм 3 дәрәҗә хәрәкәт итү мөмкинлеге чикләнгән балалары булган гаиләләр тора.

Инвалидлар декадасы кысаларында 2 нче деабрьдән алып 5 нче декабрьгә кадәр түбәндәге чаралар оештырылды:

• "Фиксики - тикшеренүчеләр"анимациясе үткәрелде. Чараның максаты булып уңай эмоциональ мохит тудыру, балигъ булмаганнарның танып-белү кызыксынуын һәм сенсорлы үсешен арттыру торды. Мультфильм геройлары үзенчәлекле балалар белән таныштылар, музыка астында "һава шарлары", "Сабын куыклары" уеннары үткәрделәр. Балалар бик теләп Фиксиклар белән аралаштылар, кызыксыну белән һава шарлары белән уйнадылар һәм сабын куыкларын тоттылар. Төрле төстәге, формадагы сабын куыклары белән уеннар тотып алу күнекмәләрен ныгыта,матурлыкны күрә белү тойгыларын арттыра.Чара  гади уеннар ярдәмендә бәйрәм атмосферасын булдырырга мөмкинлек бирде.
• "Маша и медведь" рус халык әкиятен дә бөтен гаилә җәлеп ителгән-аларга һәркайсына зур канәгатьлек белән уйналган роль бирелде. Максаты - танып-белү кызыксынуын арттыру. Чара барышында бала белән элемтә урнаштыруга, балигъ булмаганнарның коммуникатив потенциалын һәм иҗади сәләтен ачуга юнәлдерелгән уеннар үткәрелде.

Соңыннан балалар өчен "Маша у Миши" әкият геройлары белән фотосессия һәм татлы бүләкләр тапшыру оештырылды. Балаларга бик рэхэт булды!