«Бөтен дөнья СПИДка каршы көрәш көне». Түбән Каманың «Веста» үзәге
Ел саен 1 декабрьдә Бөтендөнья СПИДка каршы көрәш көне билгеләп үтелә, аңа ярдәм итү акцияләре бөтен Россия буенча уза. Илнең төрле төбәкләрендә яшәүчеләр бу көнне ВИЧ-инфекциясенә аноним һәм түләүсез тест узудан тыш, вирус һәм аны профилактикалау турында күбрәк белә алалар. СПИДка каршы көрәш символы булып-кызыл тасма тора һәм бу өлкәдә бер генә акция дә аннан башка узмый. СПИДны аңлау символы буларак тасма 1991 елда АКШ рәссамы тарафыннан уйлап табылган. Бу көн-Җирдә яшәүче барлык кешеләргә ВИЧ-инфекцияле кешеләр-безнең барыбыз да кебек үк кешеләр, алар урынында безнең һәрберебез була ала иде, чөнки авыру аның белән авырырга теләүчеләрне генә сайламый икәнлеген аңлату өчен кирәк. Еш кына әлеге проблема үзебезгә яки туганнарыбызга, якыннарыбызга кагылган очракта гына без толерант була алабыз. Еш кына, аңа ярдәм кулы сузу өчен чит кешенең проблемаларын кабул итәргә акыл җитми.
Түбән Каманың «Веста» үзәге белгечләре дә әлеге көннән читтә калмады. Шушы көн чикләрендә алар ВИЧ/СПИДның куркынычлыгы, сәламәт яшәү рәвешен пропагандалау, мөмкин булган саклану ысуллары турында мәгълүмат бирү максаты белән балалар һәм яшүсмерләр белән профилактик чаралар уздырдылар.
«Бөтен дөнья СПИДка каршы көрәш көне» акциясе 29.11.2019 елның 11, 12 нче социаль участокларында узды. Түбән Каманың «Веста» үзәге социаль эш буенча белгечләре Диләрә Борисова, Ольга Плаксина, Ксения Ведерникова балигъ булмаган 54 бала арасында акцияләр үткәрделәр.
Акция кысаларында балаларга «ВИЧ – йогышы һәм СПИД турында без нәрсә беләбез» дигән информацион буклетлар таратылды, балаларны кызыксындырган сорауларга аңлатмалар бирелде. Мәсәлән, “Бу авыру дәваланамы?”, “Ул кешедән кешегә ничек йога?”. Шулай ук балаларга бу авыру турында үзләрен кызыксындырган мәгълүматны мөстәкыйль өйрәнү өчен «InfoSPID.ru» сайты тәкъдим ителде.
2019 нчы елның 2 нче декабрендә социаль эш буенча белгеч Гөлназ Веселовская 12 балигъ булмаган бала өчен “Белергә, яшәргә!» дип аталган дәрес үткәрде.
Дәрес баш мие штурмыннан башланды: ВИЧ/СПИД сүзе сездә ни белән ассоциацияләнә? Сез әлеге сүзне ишеткәч нәрсә тоясыз? Нәрсә әйтергә телисез? Аннары белгеч әлеге йогышлы авыру турында, йогышлану ысуллары һәм профилактика алымнары турында сөйләде. Алган белемнәрне тикшерү максатыннан «Яңгыр», «Дөрес-дөрес түгел», «Тылсымлы кәнфит» уеннары үткәрелде. Дәрес Доктор Айболит киңәшләре белән дәвам итте.
Балалар зур кызыксыну белән дәрестә катнаштылар, күп сораулар бирделәр.
2019 нчы елның 2 нче декабре көнне 4 нче санлы социаль участогында белгеч Римма Борисова 9 бала белән «Яшәү өчен белергә» дигән дәрес үткәрде.
Дәрес башында белгеч авыруның үзенчәлекләре, аның стадиясе һәм зарарлану юллары турында сөйләде. Очрашу диалог формасында узды. Балалар үзләрен кызыксындырган сорауларын бирделәр, үз белемнәре белән уртаклаштылар, үсеше өчен сәламәтлек мөһимлеге турында үз фикерләрен әйттеләр. Белгеч балаларга «Үзеңне ничек якларга!!!» дигән белешмәлекләр таратты.
Социаль эш буенча белгеч Гүзәл Галиуллина! 6 нчы санлы социаль участогында 13-16 яшьлек 10 яшүсмер арасында “СПИД йокламый” дип аталган дәрес үткәрде.
Катнашучылар дәрестә бу нинди авыру? Аны ничек булдырмый калырга? кебек сорауларга җавап бирергә тырыштылар. Дәрес барышында яшүсмерләр Бөтендөнья СПИДка каршы көрәш көненең дөнья җәмәгатьчелегенең һәм гади кешеләрнең игътибарын СПИД проблемасына, кеше тормышының кыйммәтләренә җәлеп итү өчен барлыкка килүе турында белделәр. Белгеч кеше иммунодефициты вирусының килеп чыгышы, аның кешеләргә ничек күчүе, авыру агымы, саклану ысуллары турында сөйләде. Дәрес әлеге темага презентация күрсәтү белән үрелеп барды. Һәр теләгән кеше СПИД проблемасына үз карашларын җиткерә алды. Шулай ук балалар СПИДка каршы көрәш символы – кызыл тасма белән таныштылар.
Дәрес ахырында балалар, барыннан да ешрак, мәгънәсез яшәү рәвеше алып баручы кешеләр, шулай ук наркотиклар кабул итүчеләр СПИД белән авырый, дигән нәтиҗә ясадылар. Дәрес «Кызыл тасма» акциясе белән тәмамланды: яшүсмерләр кызыл тасмалар ясадылар һәм үзләренең туганнарына сәламәт яшәү рәвешенең әһәмияте турында сөйләп әлеге тасманы бирергә вәгъдә иттеләр.