«Мәхәббәт һәм рәхмәт бәйрәме» дигән чара "Веста" үзәге
2019 нчы елның 27 нче ноябрендә «Веста» үзәге белгечләре «Балкыш» СПДП тәрбияләнүчеләре һәм аларның законлы вәкилләре белән берлектә приют стеналарында Әниләр көненә багышланган «Мәхәббәт һәм рәхмәт бәйрәме» дигән чара үткәрделәр. Максат: иң якын кешегә-әнигә карата хөрмәт һәм мәхәббәт тәрбияләү, балаларның һәм аналарның балалар-ата-ана мөнәсәбәтләрендә якынаюына, гаиләдә микроклиматны яхшыртуга ярдәм итү.
Чара башыннан ук барысы да гаилә җылысы һәм кайгыртучанлык атмосферасына чумдылар. Балалар әниләр өчен концерт программасы әзерләгәннәр иде, килгән кунаклар уеннар, викториналарда катнаштылар, шигырьләр сөйләделәр, җырлар җырладылар. Әниләр барлык конкурсларда һәм уеннарда да бик теләп катнаштылар. Бәйрәм ахырында балалар әниләренә һәм әбиләренә үз куллары белән ясалган бүләкләр тапшырдылар.
Нәтиҗәдә, һәр бала әнисенең иң кадерле кеше булуын тойды. Ә өлкәннәр күңелендә әниләрнең бәхетле булуы аларның балаларыннан һәм тату, ышанычлы һәм нык гаиләдән тора дигән фикер туды. Әни сүзенә лаек булырга һәм тормыш буенча горур йөртергә кирәк!