«Астра» тернәкләндерү үзәгендә “Минем күңелле, яңгырау тубым” дигән спорт – сәламәтлек чарасы булып узды

2019 елның 27 ноябре, чәршәмбе

2019 елның  27 ноябрендә  “Алабуга муниципаль районындагы мөмкинлекләре чикләнгән балалар һәм яшүсмерләр өчен “Астра” тернәкләндерү үзәгендә тәүлек буе эшли торган бүлек тәрбиячеләре “Минем күңелле, яңгырау тубым” дигән спорт – сәламәтлек чарасы үткәрделәр.

Аның максаты тизлекне, көчне, җитезлекне үстерү һәм иптәшлекне тәрбияләү.

Чара вакытында малайлар һәм кызлар туп белән разминка ясадылар, уйнадылар, ярыштылар һәм бер – беренә булыштылар.

Ә нинди генә туплар юк иде: төрле зурлыкта, җиңел һәм авыр, шома һәм рельефлы! Шулай ук тире, йон, чүпрәк һәм резина туплар турында да белем алдылар.

Чара күңелле һәм уңай үтте, балалар күтәренке кәефтә калдылар.