Йөрәк җылысы яраткан әниләребез өчен

2019 елның 23 ноябре, шимбә

Ноябрьнең соңгы якшәмбесендә Россиядә искиткеч бәйрәм - Әниләр көне.

«Гнездышко» социаль приютында да бу көнне билгеләп үтү матур традициягә әйләнде. Чараның максаты: хатын-кызларга сакчыл караш традицияләрен саклап калу, гаилә нигезләрен ныгыту, тормышыбызда булган төп кеше - әнинең әһәмиятен аеруча билгеләп үтү.

Концерт бик дулкынландыргыч узды, балалар әниләр турында җырлар җырладылар, шигырьләр сөйләделәр, биеделәр. Әниләр дә тантанада катнаштылар: балалар белән бергә уйнадылар һәм җырладылар. 

Бу бәйрәм бик дустанә һәм җылы атмосферада үтте. Бәйрәм ахырында балалар үзләренең әниләренә һәм әбиләренә үз куллары белән ясалган бүләкләр тапшырдылар.