«Веста» үзәгендә «Халык бердәмлегендә илнең көче» дигән рәсем конкурсы үткәрелде
Россия хәрби тарихының истәлекле даталары кысасында «Веста» үзәгенең хезмәт буенча инструкторы тарафыннан социаль хезмәт күрсәтүдә торучы 19 бала арасында «Халык бердәмлегендә илнең көче» дигән рәсем конкурсы үткәрелде. Максат: балаларның иҗади сәләтләрен үстерү, аларның талантларын ачу, гражданлык һәм патриотизм, Ватанга мәхәббәт хисләрен формалаштыру.
Рәсем ясау барышында балалар сәләтләрен күрсәттеләр, иҗади ниятләрен тормышка ашыруда актив катнаштылар. Рәсемнәр төсле карандашлар, фломастерлар, гуашь һәм акварель белән башкарылды.
Һәр бала рәсем ясау барышында чын патриотизм, дуслык, бердәмлек һәм халыкның рухи бөеклеге символын чагылдыра алды. Конкурста катнашучы яшь рәссамнар үз эшләрендә тыныч күк йөзе өчен рәхмәт белдерделәр.
Нәтиҗәдә, рәсемнәр матур, төсле һәм эчтәлеге буенча бик кызыклы һәм оригиналь булып чыкты. Барлык рәсемнәр арасында иң яхшы эшләр сайлап алынды һәм үзәк стендына урнаштырылды.