Шикәр диабеты. Аны җиңү юллары

2019 елның 14 ноябре, пәнҗешәмбе

14 ноябрьдә, Бөтендөнья шикәр диабетына каршы көрәш көне кысаларында, «Гнездышко» социаль приютында өлкән төркем тәрбияләнүчеләре өчен «Шикәр диабеты. Җиңү юллары» дип исемләнгән мәгълүмати – профилактик чара узды. Максаты - балаларны сәламәт яшәү рәвешенә тарту.

Тәрбияче Ольга Никитина чараны медицина темасына багышланган табышмаклардан башлады, аның актуальлеген күрсәтте. Чарага табиб – педиатр Алсу Скачкова чакырылган иде, ул балаларга мәкерле авыру, аның сәбәпләре, профилактика чаралары турында җентекләп сөйләде.

Дәрес ахырында  «Шикәр авыруы - хөкем карары түгел. Хәрәкәт - ул тормыш» дигән девизы астында күңелле уенннар узды.