«Березкадан» мастер-класс

2019 елның 14 ноябре, пәнҗешәмбе

14 ноябрь көнне «Гнездышко» балалар һәм яшүсмерләр өчен социаль приютында «Березка» кибетләр челтәре хезмәткәрләре тарафыннан мастер-класс оештырылды.

Чараның максаты: балаларны инструментлардан  файдаланырга өйрәтү, вак моториканы үстерү, хезмәт сөючәнлек, эшче һөнәре белән таныштыру. Мастер-класста приютның барлык тәрбияләнүчеләре дә катнашты. Остазлар балаларга яшь буенча эшләнмәләр тәкъдим иттеләр: кечкенәләре агачтан һәм шпагаттан кеше ясадылар, ә өлкәннәр изонить техникасында эшләделәр.  Балаларның барысына да ошады. Очрашу бик җылы һәм нәтиҗәле булды.