Изгелек эшләү - җиңел гамәл
Бүген «Федоровка картлар һәм инвалидлар интернат-йорты»нда социаль хезмәт алучылар Бөтендөнья Игелек көне һәм Халыкара сукырлар көнен билгеләп үтү кысаларында интернат-йорт белгечләре - культорганизатор, психолог һәм социаль эшләр буенча белгеч оештырган зур чарада катнаштылар.
Бу көнне интернат-йортта яшәүчеләргә планлаштырылган чара кысаларында мәгълүмати-тематик сәгать, психолого-педагогик юнәлештәге уен-тренинг үткәрелде һәм чара ахырында кешеләр башкарган изге эшләр турында видеоролик күрсәтелде.
Әлеге чараның максаты - азмобильле өлкән яшьтәге һәм инвалид гражданнарның коммуникатив потенциалын күтәрү. Чарада катнашучы 23 социаль хезмәт алучылар арасында сукыр һәм начар күрүче гражданнар, шулай ук Бөек Ватан сугышы ветераннары да актив катнаштылар.