Үзенчәлекле балалар өчен сабын куыгы шоусы. Нурлат районы
Бүген Нурлат районы "Гармония" үзәге белгечләре сәламәтлеге мөмкинлекләре чикләнгән балалар һәм аларның әти-әниләре өчен "Грани" мәдәни-ял үзәгендә чара оештырдылар. Алып баручы Илшат Гайсин алар өчен сабын куыклары белән мавыктыргыч шоу үткәрде. Чара "Гармония" да социаль хезмәт күрсәтүдә, торучы 20 бала өчен матур бәйрәм булды. Алар профессионал оста куллары белән булдырылган чын әкият, сихер дөньясына чумганнар. Салават күперенең барлык төсләре белән җемелдәгән гаҗәеп куыкларга карап, балалар көч һәм оптимизм тойдылар, чын могҗиза ишеген ачтылар.
"Шатлык һәм позитив диңгезе, дәртле көлү, бер яки икенче сабын куыгы эчендә калу теләге, ритмик музыка астында сикерү һәм сабын куыкларының ачык фейерверкын күрү теләге - чын балалар бәхетенең сере", - дип билгеләп үттеләр бәйрәмне оештыручылар.