Өлкәннәр көне

Өлкәннәр көне

 Октябрь башында Өлкәннәр көненә багышланган бәйрәмне билгеләп үтү матур традициягә әверелде. Бу көн лаеклы, зирәк, хөрмәтле, елларга карамастан, нык һәм чыдам кешеләргә багышланган.

Өлкәннәр көне - чиста һәм якты бәйрәм, әти-әниләребез, әби-бабайлар бәйрәме. Бу бәйрәм җәмгыятькә янәшәдә кайгыртучанлык һәм игътибар таләп итүче кешеләр яшәвен искә төшерә. Бу көнне үткәрелгән бәйрәм чаралары ветераннарга күңелле ял итәргә, аралашырга, ялгызлыкны җиңәргә мөмкинлек бирә.

Өлкәннәр көнен бәйрәм итү кысаларында авыл җирлекләрендә китапханәләр, авыл мәдәният йортлары, социаль хезмәт күрсәтү үзәге хезмәткәрләре, авыл җирлекләре администрацияләре, ветераннар Советлары белән тыгыз элемтәдә булып узды.

Социаль хезмәткәрләр Хәсәнова И.И., Тугарова Л. Х. Шаршады авыл җирлеге клубында чәй өстәле артында чара оештырдылар. Бәйрәм чараларында катнаша алмаучылар өчен өйләренә барып котлаулар оештырылды, мәсәлән, Глухова Н.П. үз тәрбияләнүчесен котлады һәм чәчәк бәйләме тапшырды.

Барысына да күтәренке кәеф, сәламәтлек һәм аяз көннәр теләделәр. Чара дәвамында җылы котлау сүзләре һәм җырлар яңгырады, тамашачылар аларны бик теләп тыңладылар һәм җырладылар. Бәйрәмнең дәвамы чәй өстәле иде, анда кешеләр бик күңелле аралаштылар, яшь елларын искә төшерделәр һәм яраткан җырларын башкардылар.

Бәйрәм атмосферасы беркемне дә битараф калдырмады. Барысы да проблемалар турында онытып, күңел биреп, бик күп уңай эмоцияләр алдылар.

Барлык пенсионерларга да нык сәламәтлек, озын гомер, гаиләләрендә иминлек телисе килә. Өлкән буын кешеләренә сакчыл караш тантаналы, бәйрәм көненең бер генә эше түгел, ә һәрберебезнең көндәлек бурычы булып торсын.