«Низагъ булдырмау чаралары»

2019 елның 28 октябре, дүшәмбе

2019 елның  егерме алтынчы октябренда «Тылсым» халыкка комплекслы социаль хезмәт күрсәтү үзәгенең белгечләре Вафина Йолдыз, Мифтахова Гөлия җинаять - башкарма инспекциясенең өлкән инспекторы Фазылҗанов Айнур һәм өлкән психолог, эчке хезмәт майоры Газизова Гөлнара Файхинур кызы белән берлектә шартлы рәвештә хөкем ителгән балигъ булмаган балалары булган ата-аналар  белән «Низагъ булдырмау чаралары» темасына лекция үткәрделәр.

Әлеге чараның максаты: низаглы ситуацияләрне чишү ысулларын билгеләү, низагъны чишүнең оттырышсыз алты адымы белән танышу.

Чара ахырында шартлы рәвештә хөкем ителгән балигъ булмаган балалары булган ата-аналар " Сайларга вакыт» дигән видеоролик карадылар.