«Тынычлык чишмәләре» балалар өчен

2019 елның 22 октябре, сишәмбе

«Гнездышко» социаль приютында тәрбияләнүчеләр өчен «Мөстәкыйльлек баскычлары» проекты кысаларында Казан шәһәренең «Тынычлык чишмәләре» хәйрия фонды кызыклы чара оештырды.

Балалар Александра Назарова ярдәме белән декоратив-гамәли иҗат дөньясына чумдылар. Балалар өчен “Тукыма  өстендә рәсемнәр” дигән мастер – класс оештырылды. Балалар батик техникасында кабатланмас картиналар ясадылар.

Әлеге чара балаларга бик күп уңай эмоцияләр һәм иҗади илһам китерде. Чара барышында алган тәҗрибә иҗади остаханәдә үзенең кулланышын табачак.