«Кайгырту» акция. Түбән Каманың «Веста» үзәге
Өлкәннәр көнен көзнең икенче аенда -1 октябрьдә билгеләп үтәләр. Бу тантана халыкара статуска ия. Бәйрәмнең хәтта үз логотибы да бар: ачылган уч-игелек һәм ярдәм символы. Бу көнне һәркайсыбыз өлкән буын вәкилләрен котларга мөмкинлек алабыз, аларның кайгыртучанлыгын һәм аларның игътибарын тоеп яшәвебезгә рәхмәт сүзләрен җиткерә ала. Бу – кешенең зирәклеге, күңел юмартлыгы, өлкән буын кешеләре биргән сыйфатлар бәйрәме. Әлеге бәйрәмдә өлкәннәр бездән аерым җылылык һәм кайгыртучанлык көтә.
Бу көнне Түбән Каманың «Веста» үзәге социаль педагогы Марта Камалова һәм «Игелек буыны» иреклеләр отряды белән берлектә өлкән яшьтәге кешеләрнең тормыш сыйфатын яхшырту, балигъ булмаганнарның өлкән буыннарга карата мәрхәмәтле, ихтирамлы мөнәсәбәтләрен булдыру максатыннан «Кайгырту» дигән акция уздырдылар.
Игелекле сүз әйтү, тыңлау, җыештыруда ярдәм итү, бәйрәмнәр белән котлау-бу, без өлкәннәр өчен эшли алганның бик азы гына. Иреклеләр пенсионерларга өйдә тәртип урнаштырырга булыштылар, идәннәрен юдылар, тузаннарын сөрттеләр, чәчәкләргә су сибтеләр, тәрәзәләрен юдылар. Рәхмәтле ветераннар яшь ярдәмчеләрен озак җибәрмәделәр. Чәй табыны артында алар балаларга үз тормышлары турында сөйләделәр, гаилә альбомыннан фоторәсемнәр күрсәттеләр. Балаларга кечкенә генә игътибар алган әби-бабайларның шат күзләрен күрүе бик рәхәт иде. Алар балаларга рәхмәт әйттеләр һәм аларга яхшы һәм уңышлы кешеләр булуларын теләделәр.